Teoría

Orixe e relacións,

unha teoría que se abre paso,

as unidades indivisíbeis da materia,

a teoría de cordas,

as vibracións que determinan

diferentes sons, diferentes propiedades,

arredado do reducionismo,

abrindo novos campos intelectuais,

explorando as verdades naturais,

non quero máis contos para nenos,

nen a  crenza nun Deus desclasado,

nen conformarme coa imbecilidade do redor,

nen coa mediocridade de mentes febles,

non me vale con sinxelas interpretacións,

crer naquilo que me obrigan a crer,

perdín isa necesidade polo camiño,

por iso agora plantexo dúbidas,

observo o universo expandirse no ceo,

recopilo números cuánticos no caderno,

por iso agora estudo co microscopio

a composición da materia,

viaxo polos bordes dos buratos negros,

mido a gravidade da relatividade xeral,

tocado pola radiactividade natural,

nunha galaxia que non me retén,

tampouco os bispos da Conferencia Episcopal.