preparacion de guerra

Limpan as pistolas,

unha nova guerra en preparación,

outra nova intervención pola paz

que non é máis ca outro xenocidio.

A ninguén lle importa,

afinan os aparellos do sistema,

artigos de opinión xustifican

a violenza das armas coma solución,

xornalistas gurtelianos que desculpan

a uns políticos belicosos,

que so pensan en atacar

sempre que outro de o primeiro paso.

Celulosa

Baixa tranquilo o Lérez,

resiste ós atentados ecolóxicos,

a existencia dunha celulosa

que destroza todo ecosistema,

inda que hai quen os xustifique,

por un soldo a fin de mes,

por un cheque que apaga conciencias.

Camiño pola ponte,

vexo o auga baixar,

piragüistas que adestran,

unha sombra ó fondo

cunha indicativa columna de fume,

vexo con claridade cal é o problema,

cal é a solución,

pero ninguén escoita,

acúsanme de querer mal a esta terra,

cando son eles quen destrozan,

quen atentan contra o territorio,

que espallan enfermidades,

ceivando toxicidades á atmósfera.  

Evasión ou derrota

Evasión ou derrota,

fúmandome un peta

nesta tarde de xoves,

recorrindo á ilegalidade

porque xa non hai saídas,

non fica nada de espranza

entre o rueiro da cidade,

non queda nada en pé

entre estas paredes.

So desolacións,

so mortos ás miñas costas,

o futuro sempre vaise

e semella non querer voltar,

achegarse á miña beira,

sentilos seus aloumiños,

sempre se vai,

entre as sirenas e coches de policía,

e fico coma sempre abandonado,

sostendo un peta nos beizos,

recurrindo a ilegalidades,

pois xa nada queda en pé,

non hai espranzas nesta cidade.

Lugares esquencidos

Lugares esquencidos,

lonxe da economía de mercado,

do capitalismo en acción

que amosa os seus músculos,

cheos de tatuaxes militares.

Lugares onde todo está perdido,

onde os representantes do goberno

tampouco piden o voto,

sempre pasan de longo

os autocarros oficiais,

non se paran nen os príncipes

a disimulala súa decadencia.

Lugares esquencidos,

ós que sempre quero voltar,

cheos de liberdade sen política,

onde a xente natural

actúa coa natureza,

onde non hai normas sociais,

e as leis as marca un principio

de equilibrio de ecosistema.

Lugares ós que quero voltar,

sen carteis electorais,

eiquí non fai falla policía,

non hai crimes nen golpes de estado,

so satisfacción por vivir arredados

da violenza do Estado,

da falsa democracia do capital,

felices por ser nós mesmos

sen nengunha imposición,

sen sufrilas consecuencias

da economía de mercado.  

video do accidente

http://www.youtube.com/watch?feature=player_embedded&v=THbtLd1bAho

fotos 2

Sobran as palabras

fotografias