Mudar de rexistro. Renegar do anterior
escrito. Adaptala poesía a unha de combate. Xa non serven as
escusas, nen que se convertan en frases feitas. Ben chegados sexan os
tempos de rebeldía, de insurrección perante as políticas xenocidas
de libre-mercado.
Non sei se te decatas, venden todo o
que nos pertence. Xogan co noso futuro a un xogo tráxico en reunións
de altas esferas. Negocian, chegan a acordos, asinan no noso nome
declaracións de guerra, Real Decretos de índole represivo. Iste
goberno Gran Hermano que so procura perpetuarse nas poltronas do
Parlamento.
Non se pode negala evidencia. Hai que
ser moi parvo para non decatarse do próximo movemento. Como Bobby
Fischer e as aperturas de Spassky, todo semella ser parte de un plan
trazado de antemán. Unha táctica de desconcerto efectiva realmente.
Viran a atención cara as asuntos de pouca importancia, cara
reclamacións de bandeiras manchadas de sangue. En troques, fica
esquencida nunha caixa chea de pó, a verdade. As esixencias
europeas, o recorte non casual de dereitos, a extirpación do Estado
social, a maquinaria bélica do libre-mercado, as tropas de control
despregadas na praza, os curas e policías predicando co exemplo. Así
todo ben suxeito, unha sucia realidade ben artellada, moi ben
disimulada.
No hay comentarios:
Publicar un comentario